Articles
Breeding Wrong
Hoe Vinnig kan ons Verkeerd Teel? - Neil Greggor
In 'n verslag geskryf deur Dr Tom Lawlor, Holstein Genootskap, VSA het die volgende na vore gekom.
Die volgende syfers is afkomstig uit Amerika.
As ‘n bul gebruik word op die Nasionale gemiddeld wat +1 teel op ‘n sekere eienskap sal die volgende
verbeteringe plaasvind:
| Eienskappe | Verbetering |
|---|---|
| Kruishoogte | +8mm hoër |
| Kruishelling | +6mm laer kruishelling |
| Kruisbreedte | +3mm breër kruis |
| Agteruierhoogte | +4mm hoër agteruier |
| Agteruier breedte | +3mm breër |
| Ligament | +2mm sterker ligament |
| Uierdiepte | +6mm vlakker uiervloer |
| Speenlengte | +2mm langer spene |
‘n Voorbeeld wat ons kan gebruik is uier diepte:
As ‘n bul gebruik word wat -1.0 dieper uiers teel teen ‘n bul wat +1 vlakker uiers teel sal die verskil 12mm wees op uierdiepte.
Wat Dr Tom verder sê is dat ‘n bul met -0.05 sal beteken dat dit moontlik is om hierdie bul op 70% van die koei populasie te gebruik. 92% van hierdie dogters sal nog altyd vlakker uiers hê. Alhoewel, hy sê dat elke koei sterk en swakker punte sal hê en daarvolgens moet sy geteel word.
Dr Tom Lawlor sê verder dat telers moet teel vir die mees ekonomiese punte en dat bulle met negatiewe eienskappe nog altyd gebruik kan word maar net op die regte koei.
Weereens wil ek net uitwys hoe belangrik dit is om te klassifiseer. As ons sien hoe lank dit vat om ‘n eienskap te verbeter is daar nie tyd vir verkeerde besluite nie. Dit is noodsaaklik om altyd presies te weet wat gedoen moet word. In die vorige Joernaal het ek geskryf oor hoe telers klassifikasies kan gebruik om hierdie foute en sterk punte te identifiseer.
Paringsprogramme is ook beskikbaar deur talle KI maatskappye en deur ons, en dit is net een manier om te verseker dat foute uit geskakel kan word.
Om die meeste sukses te kan behaal gebruik bulle wat baie positief teel op die swak punte van die kudde en wat nog altyd die kudde se sterk punte behou of die eienskappe het wat u as teler vereis en pas dan die bul by die koei aan.
As ons verder kyk wat langslewendheid beïnvloed het Dr Kent A Weigel die volgende bevinding gemaak:
Die gemiddelde dae van produktiewe lewe word deur die volgende beïnvloed:
Liniêre Punte
| Eienskappe | 3 | 5 | 7 | Produksie |
|---|---|---|---|---|
| Vooruieraanhegting | Los | 670 | 731 | 792 dae in produksie |
| Agteruierhoogte | Laag | 660 | 731 | 792 dae in produksie |
| Agteruierbreedte | Smal | 671 | 735 | 771 dae in produksie |
| Mediale Ligament | Swak | 652 | 719 | 746 dae in produksie |
| Uierdiepte | Diep | 617 | 695 | 781 dae in produksie |
| Speenplasing | Wyd | 689 | 737 | 741 dae in produksie |
| Speenlengte | Kort | 718 | 737 | 709 dae in produksie |
| Hoef Helling | Laag | 712 | 727 | 716 dae in produksie |
| Agterbene Sykant | Regop | 702 | 739 | 690 dae in produksie |
| Agterbene Agter Koeie hakkig | 706 | 743 | 792 dae in produksie | |
| Suiweleienskappe | Grof | 693 | 735 | 686 dae in produksie |
