|
HOLSTEIN REKORDS
VERPLETTER
Hotshot Goldwyn Gorgeous 6006
Tydens die algehele uitverkoping van Mnre.
Hannes en Stompie Olivier van Hobhouse se Hotshot en Hotspot
Holstein Stoeterye het hierdie koei, Hotshot Goldwyn Gorgeous
6006, die 2010 Nasionale Kampioen Koei, ‘n Braedale Goldwyn dogter,
die kollig gesteel toe die bod op Mnr. Eddie du Plooy van die
Boldwin Trust, van Bultfontein teen ‘n nuwe SA rekordprys van
R155 000 toegeslaan is.
Hotspot Luna Lienie 5035 - ET
Du Plooy het ook R85 000 betaal vir die koei,
Hotspot Luna Lienie 5035 – ET, ‘n Calbrett – IHH Champion-ET
dogter, uit die bekende Luna koeifamilie, wat die Nasionale
Jongkoei Kampioen was in 2008, die Vrystaat Interras Kampioen 2009
en Reserwe Kampioen Koei by die Royal skou 2009 en 2010.
Hotspot Luna Lienke 1009
‘n
Nuwe SA Rekord prys van R76 000 is ook betaal vir ‘n ongedekte
Holstein vers (14 maande oud) deur Econocom van Vereeniging. Sy is
Hotspot Luna Lienke 1009, ‘n Picston Shottle – ET dogter uit Luna
Lienie.
Die
gemiddelde prys behaal vir die kudde, R22 743, was ook die hoogste
ooit vir SA Hostein, onder wie se beskerming die veiling aangebied
is. Gemiddelde pryse was soos volg: 41 koeie R25 387; 14 dragtige
verse R25 615; 25 ongedekte verse R21 545; 5 verskalwers R11 100;
6 bulle R21 167 en 4 bul kalwers R6825. 11 Embrios is verkoop teen
gemiddeld R4 225. Graad verse het R9 214 behaal.
Die
veiling is aangebied deur Eco Afslaers, Bloemfontein. Gert Coetsee
was die afslaer.
|
