|
Suiwelkoningin
‘n Prag Holstein, Ellerslie 4078 met eienaars J W
Penn & Kevin Lang van Grace Valley in KZN is die
suiwelglanspersoonlikheid van die jaar. Bykans
200 wêreldgehalte Holsteins, Ayrshires en Jerseys
van so ver as Kwa-Zulu Natal, die Suid-Kaap, die
Vrystaat en die uithoeke van die Wes-Kaap het het
hul beste voetjies voorgesit om dié gesogte titel
in te palm. Ervare beoordelaars, insluitend Scott
Ruby, Paul Meade van Kwa-Zulu Natal en Niel Jansen
van Rensburg van Mpumalanga, het die groot aantal
goed-versorgde diere onder die vergrootglas beskou
om te besluit watter koei met die beste bouvorm,
voete, bene, en uier spog.
Meester Suiwelboer van die Jaar
Mnr Philip Blanckenberg van Klipheuwel naby
Malmesbury en ook Voorsitter van die
Melkprodusente Organisasie (MPO) in die Wes-Kaap
is ook Vrydagaand by die Kaapse Suiwel Ervaring
aangewys as die Meester Suiwelboer van die Jaar. |
